Wichteg Neiegkeeten
Well der näischt méi verpasse wat eise Club betrëfft, schnellstméiglech ëmmer um neiste Stand sinn, da mellt Iech un bei eisem WhatsApp-Grupp.
Wat musst der maachen:
- Lued Iech am AppStore de WhatsApp erof a mellt Iech do un
- Späichert eis Nummer +352 691 580 610 an ärem Handy
- Schéckt eis eng Noriicht per WhatsApp oder SMS mat ärem Numm a Virnumm op de +352 691 580 610
- Fir Iech nees ofzemellen, geet et duer wann der eis iwwert eng Noriicht doriwwer informéiert
- Är Donnéeë gi vertraulech behandelt
Léiw Memberen, Léiw Frënn
Huelt mat eis zesummen de leschten Drëttel vum Joer an Ugrëff a loosst iech iwwerrasche wat et neies gëtt. Dës Kéier sinn net nëmmen nees flott an ënnerschiddlech Aktivitéiten ze entdecke mee et ginn och e puer méi grouss Changementer. Mer hunn iwwert en laangen Zäitraum festgestallt, dass déi spontan Renconteren mëttes bei eis am Club net genuch genotzt ginn, sou dass mer eis Gedanke gemaach hunn wéi mer eis Offere fir iech kéinte méi attraktiv gestalten.
Dëst huet zur Konsequenz, dass mer ab September 2022 eis Ëffnungszäiten upassen. Och wann eise Club zu verschidde Momenter „zou” ass, si mir awer ëmmer telefonesch fir iech erreechbar.
De Club ass dann zou:
Méindes moies vun 9.00 bis 13.00 Auer.
Mëttwochs mëttes vun 13.00 bis 17.00 Auer.
Freides mëttes vun 13.00 bis 17.00 Auer.
(bei geplangten aktivitéiten déi an der Broschür annoncéiert sinn, ass natierlech den accès an de Club garantéiert)
Mer huelen iech awer net just eppes ewech, mee mir bidden iech och neies un. D’Unzuel vun den Offere wäert eropgoen, an der Woch ewéi och um Weekend, sou dass Der an Zukunft nach méi Choix hutt.
Club Senior Prënzebierg
